सुमथी मेमोरियल ट्रस्ट, थायरोकेअरच्या सहनिर्मात्या, कै. सौ. सुमथी वेलुमणी यांच्या स्मरणार्थ स्थापन करण्यात आली.

बिकट परिस्थितीवर मात करून आपल्या समवेत असण्याऱ्या सर्वांची शक्यतोपर काळजी घेणे- हे त्यांचे व्यक्तिमत्व विशेष होते. त्यांनी संपत्ती निर्माण केली परंतु त्याचा विलास घेतला नाही. ४००० करोड रुपये बाजारमूल्य असलेल्या भारतातील अग्रगण्य हेल्थकेअर कंपनीपैकी एक बनवण्यापर्यतचा थायरोकेअरचा प्रवास हा त्यांचा व्यवसाय आणि माणसे – दोन्ही सांभाळण्याच्या कलेचाच एक भाग आहे.

स्वादुपिंड कर्करोगाच्या उशिरा निदानामुळे, २०१६ मध्ये त्या हे जग सोडून गेल्या. त्यांच्या स्मरणार्थ त्यांच्या कुटुंबीयांनी या ट्रस्टची स्थापना केली – ज्यामुळे अशाप्रकारच्या अनिदानीत आणि अपरिक्षीत कर्करोग समस्या हाताळल्या जाऊ शकतील – ज्याचा भारतातील मृत्यूदर अजूनही उच्च आहे (>९५%). संपूर्ण भारतातील कर्करोगग्रस्थ रुग्णांना शक्यतोपर मदत करणे हे या ट्रस्टचे उद्दिष्ट्य आहे.

PET-CT स्कॅन हे एक सुनिश्चित तंत्रज्ञान आहे जे जगभरात एक निश्चित कर्करोग व्यवस्थापन साधन मानून स्वीकारीत आहे. परंतु या सुविधांसाठी लागणाऱ्या अवाजवी खर्चामुळे, या स्कॅनचे दर न परवडणारे असतात- सहसा रुपये २०,०००/- पर्यंत. अशाप्रकारच्या कर्करोग उपचारांवरील आर्थिक ओझे कमी करण्यासाठी SMT प्रयत्नशील आहे आणि याअंतर्गत PET-CT स्कॅन कराव्या लागण्याऱ्या प्रत्येक रुग्णांसाठी, रुपये ३,०००/- SMT देईल.

मार्च २०२५ च्या आधी एक दशलक्ष स्कॅन अनुदानित करण्याचा ट्रस्ट चा मानस आहे.